MARITZDAM PLAASBESTUUR OPLEIDING
Hierdie vier maande bied praktiese ondervinding waar studente alles leer oor hoe om 'n plaas suksesvol te bestuur. Na afloop van die kursus sal hy/sy 'n deeglike begrip hê van boerdery, 'n verhoogde insig hê in plaasbestuur en sy/haar passie ontdek. Johan Greyling lei die studente stap vir stap deur elke proses en help hulle om te groei, ontdek en om selfvertroue in hul plaasbestuursvermoëns te kry.
Die kursus bestaan uit:
Skaap- en bees hantering
In hierdie afdeling word die fisiese hantering van skaap en bees in die kraal asook in die veld intensief behandel.
Dosering en inenting
Dieregesondheid word aangebied deur BG Badenhorst van Zoetis. In hierdie afdeling leer die studente hoe om skape en beeste teoreties te doseer en in te ent, waarna praktiese toepassing plaasvind. Die simptome van siektes by skape en beeste word gedek, insluitend die toeding van medikasie.
Meatmaster keuringskursus
Hierdie opleiding word deur Nico Grobler aangbied. Hy leer vir ons hoe om skaap te hanteer en hoe om te identifiseer tussen gewone, swak en stoet skape.
Draadspan
Intensiewe opleiding in draadwerk/omheining in kampe word behandel, aangesien hierdie aspek 'n langtermyn belegging vir enige plaas is.
Windpomp en sonpomp herstel
Hierdie afdeling word deur
Pieter Du Toit van Karoo Water, Staal en Kraan Dienste aangebied. Die aanbieding behels eerstens teorie waarna praktiese opleiding intensief toegepas word.
Sweisopleiding
Pieter Du Toit hanteer praktiese opleiding in sweiswerk persoonlik met elke student.
Voertuigonderhoud
Studente word intensief opgelei in die praktiese toepassing van verskeie fasette van voertuigonderhoud.
Ongediertebeheer
Hierdie opleiding word aangebied deur Niel Viljoen, 'n Predasie Spesialis met jare se ondervinding.
Veldbestuur
Veldbestuur behels probleemoplossing, die drakrag van kampe en beplanning van kampstelsels. Hierdie module word aangebied deur
Dr. Louis Du Pisani.
Reproduksie kursus
'n AgriSETA kursus word aangebied deur Dawid Botha van NWKV. Dit is ‘n 3-dag kursus en sluit 6 Modules in. Hierdie opleiding is teoreties en prakties.
Sertifikaat toekenning
-
Doserings- en inentings sertifikaat van Zoetis
-
Meatmaster Beginners klasserings sertifikaat van Meatmaster Telersgenootskap.
-
Reproduksie sertifikaat van NWKV (AgriSETA opleiding)
-
Karoo Water & Staalwerke (Bywonings sertifikaat) wat handel oor die voorsiening van water binne veeboerdery.
-
Skaap- en beeshantering sertifikaat.
-
Vyf dag Skaap Reproduksie kursus sertifikaat van NWKV (AgriSETA opleiding)
Fasiliteerders
-
Zoetis - BG Badenhorst
-
Meatmaster Telersgenootskap - Nico Grobler
-
NWKV (AgriSETA opleiding) - Dawid Botha
-
Karoo Water & Staalwerke - Pieter Du Toit
-
Plaasbestuurder.co.za
-
PMSA - Predation Management South Africa - Niel Viljoen
-
Minta Karoo - Philippus Breyl
-
Peak Season Agriculture
-
Veldbestuur - Dr. Louis Du Pisani
DIE KURSUS SLUIT IN:
1.
Verblyf
Twee etes per dag
Maritzdam Opleiding uniform (hemp en hoed)
2.
Teoretiese - en praktiese opleiding in verskillende afdelings van Plaasbestuur. Blootstelling aan verskillende boerderye. Een maand praktiese opleiding op 'n besproeiingsplaas.
3.
Persoonlike ontwikkeling in beplanning, spanwerk, vaardighede, mense kennis, deursettingsvermoë en kommunikasie.
4.
Elke student ontvang 'n sertifikaat na die voltooiing van 'n persoonlike getuigskrif as verwysing na afloop van die kursus.
5.
Ontspannings aktiwiteite:
Gym
TV
Braai geriewe
Veerpyltjies
Uncapped WiFi
Stap/draf roetes
 |  |  |  |
|---|---|---|---|
 |  |  |  |
 |  |  |  |
 |  |  |  |
 |  |  |  |
 |  |  |  |
 |  |  |  |
 |  |
AKKOMMODASIE & ETES
- Ons het ʼn jaghuis met 4 slaapkamers waarin die studente bly. In 2 van die kamers slaap drie studente en die ander 2 kamers slaap twee studente elk. Elke student is verantwoordelik om hul eie leef area netjies te hou. Wedersydse respek is belangrik tussen studente en fasiliteerders. Geriewe van die jaghuis en eiendom moet met respek hanteer word. Enige eiendom wat beskadig word deur nalatigheid moet deur die student vervang word.
- Studente se klere word een keer per week gewas.
- Die storte werk met ‘n donkie en die studente maak beurte om die donkie te stook vir warm water.
- Aan die begin van die kursus word studente in spanne verdeel, waarna onderskeie spanne verantwoordelik is vir sekere take.
- Etes: 10:00 is ontbyt en sal daar ook geleentheid vir die studente gegee word om self die ontbyt te maak. Alles sal voorsien word. Dit berei die studente voor vir die uitplasings maand waar hulle verantwoordelik sal wees om hul eie kos te maak. 19:00 - Aandetes word deur ons voorberei. Naweke kry studente wel kans om te braai of pot te maak. Studente is verantwoordelik om wel hul eie ‘snacks’, koeldrank of (enige ekstras) saam te bring.